Хүмүүнлэгийн Ухааны Их Сургуулийн Хүний нөөцийн алба нь Захирлын 464 тоот тушаалаар 2015 оны 9-р сард байгуулагдсан. Тус алба нь байгууллагын хүний нөөцийн бодлого, үйл ажиллагааг хариуцан ажиллаж байна.

Хүний нөөцийг хөгжүүлэх таатай орчин бүрдүүлж, багш, ажилтнуудын өрсөлдөх чадвар, мэргэжлийн чадавхийг дээшлүүлэх.

• Ажлын байран дээрээ тасралтгүй хөгжих орчинг бүрдүүлэх
• Хүний нөөцийн хөгжлийн хөтөлбөр хэрэгжүүлж, хүний нөөцийн менежментийг шинэчлэх
• Олон улсын мэргэжлийн стандарт, шаардлагыг хангасан шилдэг тэргүүний багш, судлаачдаар багшлах боловсон хүчнийг бэхжүүлэх
• Цалин, урамшууллын системийг сайжруулж, үр бүтээлтэй ажиллах хөшүүргийг бий болгох
• Ажилтнуудыг ур чадварыг дээшлүүлэх, процессыг сайжруулах замаар бүтээмжийг нэмэгдүүлэх

• Хүний нөөцийг оновчтой төлөвлөн, зохион байгуулах
• Шударга, нээлттэй сонгон шалгаруулалт
• Хууль, эрх зүйд нийцсэн хөдөлмөрийн харилцаа
• Багш, ажилтнуудыг хөгжүүлэх сургалт, хөгжлийн хөтөлбөрүүд
• Карьер өсөх боломж, нөхцөл бүрдүүлэх
• Гүйцэтгэлийн удирдлага
• Ажилтнуудад зориулсан нийгмийн халамж, тэтгэмж, тусламж дэмжлэг
• Өрсөлдөхүйц цалин урамшууллын систем
• Ажилтны бүртгэл, мэдээллийн сан зэрэг хүний нөөцийн чиг үүргүүдийг хэрэгжүүлэн ажиллаж байна.

ХИС дижиталчлалын эрин үед ажиллах, дасан зохицох, хариу үйлдэл хийх чадвартай чадварлаг багш, хамт олныг бүрдүүлж, нийгмийн хариуцлагаа ухамсарлан ажиллаж 40 жилийнхээ ойтой золгож байна. Технологи болон судалгаанд суурилсан их сургуулийн стратегийн зорилтыг хэрэгжүүлэхэд багшлах бүрэлдэхүүнийг хөгжүүлэх, чадавхжуулах явдалд бид маш чухал алхам хийж байна.

 

Д.Уламбаяр, Доктор профессор - Олон улсын харилцаа, нийгэм судлалын сургуулийн захирал

Хүмүүнлэгийн Ухааны Их сургууль бол миний амьдралын зөв, азтай сонголтуудын маань нэг. Аз жаргалтайгаар өөрийн хөдөлмөрийг зориулж болох хамгийн гайхамшигтай байгууллага. Миний бахархал.

 

Г.Зэс-Эрдэнэ, M.Ec - Бизнесийн удирдлагын тэнхимийн эрхлэгч

ХИС нь эрч хүчтэй, залуу хамт олонтой, олон жилийн түүхтэй, нэр хүндтэй боловсролын байгууллага юм. Миний хувьд энэ хамт олны дунд нэгдэн ажиллаж байгаа нь нэр төрийн хэрэг билээ.

 

Г.ГАЛБААТАР - ХИС-ийн Үйлчилгээ, аж ахуйн албаны хангамжийн менежер

Харилцан итгэлцэл, хүндлэл, эерэг дулаан харилцааг эрхэм болгож глобал зах зээлд хөрвөх чадвартай мэргэжилтэн бэлтгэхэд хамтран ажиллаж байгаа баг хамт олноороо бахархаж явдаг.

 

Б.Мөнхтуяа, Ph.D - Англи хэлний тэнхимийн Дэд профессор