Дээшээ

Оюутны клубууд


"Алтан Гэрэгэ" клубын товч танилцуулга

Алтан Гэрэгэ клуб нь анх 2007 оны 03 сарын 29-ний өдөр ОУХ-ны ангийн оюутнуудын санаачлага, тэнхимийн багш Мягмардоржийн дэмжлэгтэйгээр үүсгэн байгуулагдсан. Үүсгэн байгуулагдсанаасаа хойш 11 жилийн хугацаанд идэвхитэй, тогтвортой үйл ажиллагаа явуулсаар ирсэн билээ. Хичээлийн жил бүр "Мини-НҮБ", "Онол, практикийн тэмцээн", "ОУХ-ны олимпиад", "Босоо хүлээн авалт", "Клубын нэрэмжит эрдэм шинжилгээний бага хурал", "Хаврын аялал" зэрэг олон үйл ажиллагаануудыг уламжлал болгон зохион байгуулсаар байна. Мөн эдгээр үйл ажиллагаануудын хамрах хүрээ жил ирэх тусам өргөссөөр байгаа юм. Үүнээс жишээ дурдвал "Онол, практикийн тэмцээн" 2018 оны 03 сарын 24-нд ХИС, МУИС-н нийт 80 гаруй оюутанг хамран зохиогдсон байна. Мөн "ОУХ-ны олимпиад" улсын бүх ОУХ-ны мэргэжилт олгогч их дээд сургуулийг хамран зохион байгуулагдахаар бэлтгэл ажлынхаа шатанд явж байна. Мөн өнгөрсөн жилээс эхлэн МУИС-ийн "Дипломат клуб"-тэй, энэ хичээлийн жилээс эхлэн ГХЯ-ны "Залуу дипломатчидын клуб"-тэй тус, тус хамтран ажиллаж байна.

2017-2018 оны хичээлийн жилд 43 төлөөлөгчтэйгөөр үйл ажиллагаагаа явуулж байна.

Клубын тэргүүн А.Энхжин 2015 онд нийслэлийн ШУТАС-ийг амжилттай төгсөж, ХИС-д уг оны намар элсэж орсон. Одоо ХИС-ийн ОУХ-ны ангийн 3-р түвшинд суралцдаг. Клубын тэргүүнээр 2017 онд сонгогдон ажиллаж байна.

Клубын нарийн бичиг Б.Энхгэрэл 2015 онд нийслэлийн 2-р бүрэн дунд сургуулийг амжилттай төгсөж, ХИС-д уг оны намраас элсэн суралцсан. Одоо ХИС-ийн ОУХ-ны ангийн 3-р түвшинд суралцдаг. Клубын нарийн бичгээр 2016 оноос эхлэн ажиллаж байна.

Үйл ажиллагаануудын тайлан

Үйл ажиллагааны нэр Хамрах хүрээ Хугацаа Зорилго
1 Мини НҮБ загвар хуралдаан ХИС-ОУХ-ны тэнхимийн 1-4 курсын оюутнууд /Жил бүр 85-120 гаруй оюутнуудыг хамардаг/ 2011 онд анх зохион байгуулж эхэлсэн ба энэ жил 7 дахь жилдээ зохион байгуулсан Мэргэжлийн дагуу ОУХ-нд тулгамдаж буй асуудлыг мэтгэлцэх, гаргалгаа гаргах
2 Босоо хүлээн авалт ОУХ-ны тэнхимийн 1-4-р курсын оюутнууд /Жил бүр 100-150 оюутнуудыг хамардаг/ 2011 оноос эхлэн зохион байгуулсан. Энэ жил 7 дахь жилдээ зохион байгуулсан Дипломат босоо хүлээн авалтын тухай таниулах, практик дадал олгох
3 Онол танин мэдэхүйн тэмцээн ХИС, МУИС-н ОУХ-ны оюутнууд /Жил бүр 100-120 оюутнуудыг хамардаг/ 2011 оноос зохион байгуулж эхэлсэн. Энэ жил 7 дахь жилдээ зохион байгуулсан ХИС оюутнуудын олон улсын харилцааны онолын мэдлэгийг шалгах, бусад сургуультай жиших
4 Хаврын аялал ХИС-ОУХ-ны тэнхим /Жил бүр 60-80 оюутнуудыг хамардаг/ 2013 оноос эхлэн зохион байгуулсан. Энэ жил 6 дахь жилдээ зохион байгуулагдахаар төлөвлөгдсөн байна. Тэнхимийн нийт оюутнуудын босоо хөндлөн харилцааг тэлэх
5 Эрдэм шинжилгээний бага хурал ХИС, МУИС, Тагнуулын Академиийн ОУХ-ны оюутнууд /Жил бүр 20-25 оюутнуудыг хамардаг/ 2013-2016 оны хооронд зохион байгуулагдсан Оюутнуудын эрдэм шинжилгээний ажил бичих чадварыг хөгжүүлэх

"SR" клубын товч танилцуулга

Хүмүүнлэгийн Ухааны Их Сургуулийн, Олон улсын харилцаа, Нийгэм судлалын сургуулийн Сэтгэл судлалын S-R клубыг нь 2010 оны 10  сарын 13 -ны өдөр Б.Жавзан, П.Мягмаржаргал багш нараар удирдуулан Сэтгэл судлалын ангийн 1, 2, 3, 4-р курсын оюутнууд үүсгэн байгуулж үйл ажиллагаагаа явуулан 9дэх жилийн нүүрийг үзэж байна. Энэхүү хугацаанд "Залуу сэтгэл судлаач", "Мэргэжил сурталчилах" өдөрлөгийг уламжлал болгон зохион байгуулан, нийт оюутнуудынхаа мэдлэг чадварыг хөгжүүлэх зорилготой үйл ажиллагаануудыг явуулсаар ирсэн. Үүнд сүүлийн гурван жилийн үйл ажиллагааг танилцуулбал:

2016 он

  • 2016 оны 4 сарын 14ны өдөр S-R клубын нэрэмжит "Залуу Сэтгэл Судлаачид 2016" ЭШБХ амжилттай зохион байгуулагдаж нийт 6 сургуулийн 21 бүтээл ирсэний 10 бүтээл шалгаран үлдэж илтгэлээ тавьсан билээ.
  • 2016 оны 4 сарын 21нд "Мэргэжил сурталчилах" өдөрлөгийн хүрээнд аниргүй кафе /silence cafe/, харанхуй кафе /blind cafe/ гэх арга хэмжээг Нийслэлийн 31-р сургууль болон 40-р сургууль дээр хэрэгжүүлсэн юм. Уг арга хэмжээгээрээ харааны бэрхшээлтэй болон сонсголын бэрхшээлтэй хүмүүсийн мэдрэмжийг сурагчдад ойлгуулан таниулж тэдэнд зөв хандлагыг өгөхийг зорьсон юм. Мөн сэтгэл судлал хэмээх мэргэжлийн давуу тал болон онцлог байдлыг мэдүүлж таниулсан билээ.
  • 2016 оны 11 сарын 16ны өдөр S-R клубын нийт гишүүдийн дунд сагсан бөмбөгийн найрсаг тэмцээн зохион байгуулсан ба үүний үр дүнд сургуулийн сагсан бөмбөгийн тэмцээнд клубээ төлөөлөн оролцсон охидын баг тэргүүн байрыг эзэлсэн билээ.
  • 2016 оны 12 сарын 01 буюу Дэлхий нийтийн ДОХ -той тэмцэх өдрийн өдөрлөгийг Мари Стопс төвтэй хамтран ХИС-н хүрээнд амжилттай зохион байгуулласан. Уг өдөрлөгөөр Мари Стопс төвөөс өгөгдсөн 200 ширхэг тараах материал болон 200 ширхэг бэлгэвчийг зөв зохистой хэрэглээг дэмжих зорилготой нийт оюутнуудад тарааж өгөн баритмат киног үзүүлсэн билээ.

2017 он

  • 2017 оны 04 сарын 14-ний өдөр "Young psychologists 2017" ЭШБХ-г 5дахь удаагаа амжилттай зохион байгуулсан ба нийт 14 бүтээл 5 сургуулиас ирсэнээс анх удаа АШУҮИСургуулиас оролцсон билээ.
  • 2017 оны 10 сарын 7-ны өдөр ХИС-ын Оюутны холбооноос зохион байгуулсан мод тарих үйл ажиллагаанд манай клуб идэвхи санаачлагтай оролцсон.
  • Саруул охинд амьдрал бэлгэлье аянд клубын гишүүн бүр маш идэвхитэй оролцон хандивын хайрцаг өрнүүлсэн юм.

2018 он

  • 9 сард Шинэ гишүүн хүлээн авах "Танилцах өдөрлөг" -г ОУХНСС-н тэнхимийн багш П.Мөнхзул, Ж.Оюунсүрэн, Б.Мягмарсайхан нарын хамтаар амжилттай зохион байгуулласан нь шинээр элсэгч оюутан залуучуудад идэвхи чармайлт болон өгч байсан ба курс хоорондын холбоо тогтоон дэмжлэг туслалцаа авч өгөлцөхийн гол гүүр болж өгсөн юм.
  • 10 сард "Сэтгэл зүйчийн ёс зүй" гэсэн сэдвийн доор мэргэжлийн сэтгэл зүйч Ц. Даваасүрэн хүрэлцэн ирж оюутнуудтай чөлөөт ярилцлага хийсэн нь мэргэжлийн ёс зүйн тухай ойлголттой болж цаашдын судалгаа шинжилгээний ажилдаа хэрэгжүүлэх үнэт зөвлөгөөг авсан билээ.
  • 11 сард "Урлагийн сэтгэл засал" 4-р курсын оюутнууд "Урлагийн сэтгэл зүй" хичээлийн хүрээнд өөрсдийн сурч мэдсэн онолын мэдлэгийг практик дээр ашиглан бүжгийн, зургийн, хөгжмийн сэтгэл заслыг явуулсан.
  • 3-4 сард "Сэтгэцийн эмгэг" сэдвээр 7 хоног бүр кино өдөрлөгийг зохион явуулж байна.