ХИС-ийн Олон улсын харилцаа, нийгэм судлалын сургуулийн Сэтгэл судлалын S-R клуб нь 2010 оны 10 сарын 13 -ны өдөр Б.Жавзан, П.Мягмаржаргал багш нараар удирдуулан Сэтгэл судлалын мэргэжлийн бүх түвншний оюутнуудын оролцоотойгоор үүсгэн байгуулагдаж, үйл ажиллагаагаа эхлүүлсэн. Өнгөрсөн хугацаанд “Залуу сэтгэл судлаач”, “Мэргэжил сурталчлах” “ДОХ-ын эсрэг өдөр” өдөрлөгүүдийг уламжлал болгон зохион байгуулан, нийт оюутнуудынхаа мэдлэг чадварыг хөгжүүлэх зорилготой үйл ажиллагаагаа явуулж байна.

Хэрхэн гишүүн болох вэ?

Сэтгэл судлалын мэргэжлийн 1-4 р курсын бүх оюутнууд гишүүнчлэлийн эрхтэй.

Клубын гишүүдийн давуу талууд:

Сэтгэл судлалын мэргэжлийн талаар илүү мэргэших боломжтой ба клубээс зохион байгуулж буй үйл ажиллагаанд идэвхтэй оролцсоноор өөрийн мэргэжлийн талаар өргөн мэдлэгтэй болно.

Төлөөлөн удирдах зөвлөл:

1. Тэргүүн –Б.Бямбахүү /Сэтгэл судлалын II түвшин/
2. Дэд тэргүүн – Б.Дөлгөөн /Сэтгэл судлалын I түвшин/
3. Нарийн бичиг – Г.Төгөлдөр /Сэтгэл судлалын II түвшин/
4. Төлөөлөл гишүүд: Сэтгэл судлалын мэргэжлийн 1-4-р түвний бүх оюутнууд.

1. 2016 оны 4 сарын 14-ны өдөр S-R клубын нэрэмжит "Залуу сэтгэл судлаачид-2016" ЭШБХ амжилттай зохион байгуулагдаж нийт 6 сургуулийн 21 бүтээл ирсэний 10 бүтээл шалгаран үлдэж илтгэлээ тавьсан билээ.
2. 2016 оны 4 сарын 21-нд "Мэргэжил сурталчилах" өдөрлөгийн хүрээнд аниргүй кафе /silence cafe/, харанхуй кафе /blind cafe/ гэх арга хэмжээг Нийслэлийн 31-р сургууль болон 40-р сургууль дээр хэрэгжүүлсэн юм. Уг арга хэмжээгээрээ харааны бэрхшээлтэй болон сонсголын бэрхшээлтэй хүмүүсийн мэдрэмжийг сурагчдад ойлгуулан таниулж тэдэнд зөв хандлагыг өгөхийг зорьсон юм. Мөн сэтгэл судлал хэмээх мэргэжлийн давуу тал болон онцлог байдлыг мэдүүлж таниулсан билээ.
3. 2016 оны 11сарын 16-ны өдөр S-R клубын нийт гишүүдийн дунд сагсан бөмбөгийн найрсаг тэмцээн зохион байгуулсан ба үүний үр дүнд сургуулийн сагсан бөмбөгийн тэмцээнд клубээ төлөөлөн оролцсон охидын баг тэргүүн байрыг эзэлсэн билээ.
4. 2016 оны 12 сарын 01 буюу Дэлхий нийтийн ДОХ -той тэмцэх өдрийн өдөрлөгийг Мари Стопс төвтэй хамтран ХИС-ийн хүрээнд амжилттай зохион байгуулласан. Уг өдөрлөгөөр Мари Стопс төвөөс өгөгдсөн 200 ширхэг тараах материал болон 200 ширхэг бэлгэвчийг зөв зохистой хэрэглээг дэмжих зорилготой нийт оюутнуудад тарааж өгөн баритмат киног үзүүлсэн билээ.
5. 2017 оны 04 сарын 14-ний өдөр "Young psychologists 2017" ЭШБХ-ыг 5 дахь удаагаа амжилттай зохион байгуулсан ба нийт 14 бүтээл 5 сургуулиас ирсэнээс анх удаа АШУҮИСургуулиас оролцсон билээ.
6. 2017 оны 10 сарын 7-ны өдөр ХИС-ын Оюутны холбооноос зохион байгуулсан мод тарих үйл ажиллагаанд манай клуб идэвхи санаачлагтай оролцсон.
7. Саруул охинд амьдрал бэлгэлье аянд клубын гишүүн бүр маш идэвхитэй оролцон хандивын хайрцаг өрнүүлсэн юм.
8. 9 сард Шинэ гишүүн хүлээн авах "Танилцах өдөрлөг" -г ОУХНСС-ийн тэнхмийн багш П.Мөнхзул, Ж.Оюунсүрэн, Б.Мягмарсайхан нарын хамтаар амжилттай зохион байгуулласан нь шинээр элсэгч оюутан залуучуудад идэвхи чармайлт болон өгч байсан ба курс хоорондын холбоо тогтоон дэмжлэг туслалцаа авахын гол чиглэл болгосон.
9. 10 сард "Сэтгэл зүйчийн ёс зүй" гэсэн сэдвийн доор мэргэжлийн сэтгэл зүйч Ц.Даваасүрэн хүрэлцэн ирж оюутнуудтай чөлөөт ярилцлага хийсэн нь мэргэжлийн ёс зүйн тухай ойлголттой болж цаашдын судалгаа шинжилгээний ажилдаа хэрэгжүүлэх үнэт зөвлөгөөг авсан билээ.
10. 11 сард "Урлагийн сэтгэл засал" 4-р курсын оюутнууд "Урлагийн сэтгэл зүй" хичээлийн хүрээнд өөрсдийн сурч мэдсэн онолын мэдлэгийг практик дээр ашиглан бүжгийн, зургийн, хөгжмийн сэтгэл заслыг явуулсан.
11. 3-4 сард "Сэтгэцийн эмгэг" сэдвээр 7 хоног бүр кино өдөрлөгийг зохион явуулсан.

2017 оны 04 сарын 14-ний өдөр "Young psychologists 2017" ЭШБХ-г 5дахь удаагаа амжилттай зохион байгуулсан ба нийт 14 бүтээл 5 сургуулиас ирсэнээс анх удаа АШУҮИСургуулиас оролцсон билээ. Young Psychologists 2017 ЭШБХ-д байр эзэлсэн бүтээлүүд: