Хөтөлбөрийн нэр: Сэтгэл судлал

Индекс: 031301

Сэтгэл судлалын суурь мэдлэг, сэтгэл зүйн зөвлөгөө,засал, сургалтыг удирдан зохион явуулах чадамжийг олгохын зэрэгцээ мэргэжлийн өндөр ёс зүй, мэргэжлийн гадаад хэлний зохих түвшинг эзэмшүүлэх.

• Сэтгэл судлалын шинжлэх ухааны үндсэн ойлголтууд, үүсэл хөгжлийн үе шатууд, орчин үеийн чиг хандлагыг ойлгох, ялган таних, дүгнэх
• Хүний сэтгэцийн үйл ажиллагааны хэвийн ба эмгэг хэм хэмжээ, түүний илрэлүүдийг таньж мэдэх, дүн шинжилгээ хийх, тайлбарлах
• Сэтгэл судлалын судалгааны аргууд, тэдгээрийн онцлог, хэрэглээний хүрээ, арга зүй
• Сэтгэл зүйн зөвлөгөө өгөх, засал хийх, урьдчилан сэргийлэх, нөхөн сэргээх чиглэлүүдийн дагуу бүлэг, хувь хүнд сэтгэл зүйн тусламж үйлчилгээ үзүүлэх онолын мэдлэг

• Сэтгэл судлалын онолын үндэс түүний салбар дундын шинжлэх ухаануудыг ялган таньж тэдгээрийн шинжлэх ухааны системд эзлэх байр суурьд үнэлгээ өгөх, нотолгоон дээр үндэслэж дүгнэлт гаргах
• Сэтгэл судлалын судалгааг зорилгод нийцүүлэн зохион байгуулах чадвартай
• Хувь хүн, байгууллага, бүлэгт тохирсон сэтгэц оношилгоог оновчтой төлөвлөж дизайнчлах
• Сэтгэл зүйн зөвлөгөө, засал, тренинг, урьдчилан сэргийлэх, нөхөн сэргээх г.м үйлчилгээг үзүүлэх чадвартай

• Сэтгэл судлалын мэргэжлийн хичээлийг гадаадад боловсрол эзэмшсэн багш нар заадаг.
• Багаар ажиллах болон бие даан ажиллах чадваруудыг түлхүү хөгжүүлдэг сургалтын хөтөлбөртэй.
• Мэргэжлийн суурь үндсэн хичээлүүдээс гадна Нейробиологи, Нейрофизиологи, Сэтгэл зүйн экспертиз, Урлагийн сэтгэл засал, Бизнесийн сэтгэл судлал, Стрессийн сэтгэл зүй, Төслийн менежмент зэрэг практикт тулгуурласан сонгон хичээлүүдийг нэмэлтээр багтаасан.
• Судалгаа, туршилт хийх сургалтын бааз лаборатори, сэтгэл зүйн зөвлөгөө заслын үйлчилгээ үзүүлэх сэтгэл зүйн зөвлөгөөний төвтэй.
• Оюутны бие даан гүйцэтгэх даалгавруудыг тэдний бүтээлч, шүүмжлэлт сэтгэлгээ чадварыг хөгжүүлэхэд чиглүүлж нэгдсэн байдлаар боловсруулдаг
• Үндэсний болон сургуулийн бүх төрлийн тэтгэлэгт хамрагдах боломжтой.